ვაკეში მომხდარი მკვლელობისთვის დაკავებულის ადვოკატის განცხადებით ბადრი ნათენაძე დუმილის უფლებას იყენებს.

„ჯერ ბრალი არ აქვს წაყენებული, უბრალოდ მოხდა დეენემის ნიმუშის აღება. ჩემი დაცვის ქვეშ მყოფი ამ მომენტისთვის დუმილის უფლებას იყენებს. მოტივებზე და მიზეზებზე საუბრის საშუალება მარტივი მიზეზის გამო არ მოგვეცა, ვინაიდან ტარდებოდა საგამოძიებო მოქმედებები და არ გვქონდა საშუალება ადვოკატს და ბრალდებულს პირისპირ გვესაუბრა. როდესაც ბალს წაუყენებენ ამის შემდეგ უკვე ჩამოყალიბებული პოზიცია ექნება “- განაცხადა ადვოკატმა გიორგი ანთიძემ „კურიერთან“ სატელეფონო საუბრისას.

შეგახენებთ შსს-ის ინფორმაციით დღეს ვაკეში მომხდარი მკვლელობისა და დაჭრის საქმეზე გამოძიება განზრახ მკვლელობის და იარაღის მართლსაწინააღმდეგო შეძენა-შენახვა-ტარების ფაქტზე მიმდინარეობს (საქართველოს სსკ-ის 108-ე და 236-ე მუხლებით).