რუსთავის სასამართლოდან გაქცეულ პატიმარს ოთარ ვარამაშვილს ბრალს დღეს წარუდგენენ. ვარამაშვილის ძებნა მესამე დღეა მიმდინარეობს. მომხდარის გამო თბილისის საბადრაგო სამსახურის ცვლის უფროსი და ის თანამშრომლები დააკავეს, რომლებიც მსჯავრდებულის ეტაპირებას უზრუნველყოფდნენ.

„დამირეკა გამომძიებელმა, ისინი აპირებენ, რომ ჩემი დაცვის ქვეშ მყოფს წარუდგინონ ბრალი აღნიშნულ ფაქტთან დაკავშირებით. ბრალის წარდგენის შემდეგ გავიგებთ თუ რას გვედავება სასჯელაღასრულების სამინისტრო. კახიშვილის განცხადება, რომ ვითომ მე დავარღვიე რაიმე ეთიკის კოდექსი, ეს არის სამარცხვინო, აბსოლუტურად უტიფარი განცხადება. იქ არის არაადამიანური პირობები და ეს ძალიან კარგად იცის ბატონმა კახიშვილმა,“-განაცხადა ოთარ ვარამაშვილის ადვოკატმა ლექსო კობაიძემ.