საკონსტიტუციო სასამართლოში დღეს ე.წ. კაბელებისა და გიგი უგულავას საქმეების გაერთიანებული სხდომა არის ჩანიშნული. აღსანიშნავია, რომ სხდომა რამდენიმეჯერ გადაიდო, ჩატარდება თუ არა დღეს ეს პლენუმის სრული შემადგენლობით შეკრებაზეა დამოკიდებული.

საქმეების ადვოკატები არ გამორიცხავენ, რომ ჩანიშნული სხდომა კვლავ გადაიდოს.

"სასამართლო რომელიც 1 სექტემბერს უნდა გაიმართოს და უნდა გამართულიყო 2 აგვისტოს, თუმცა ფაფიაშვილის, სიჭინავას, თავაძის, ტურავას უპასუხისმგებლო საქციელის გამო ამ დრომდე გაიწელა. იმედი მაქვს, რომ ეს პროცესიც არ ჩაიშლება ამ მოსამართლეთა ბრალეულობით, თუმცა მათი ქმედებები გვაძლევს ვარაუდის საშუალებას, რომ ამ პროცესსაც ჩაშლიან ბიძინა ივანიშვილის ხუშტურების გათვალისწინებით,"-აცხადებს გიგი უგულავას ადვოკატი ბექა ბასილაია.