დემურ სტურუას საქმეზე გამოძიების დროულ დაწყებაზე საუბრობს გენერალური პროკურორის ყოფილი მოადგილე ლაშა ნაცვლიშვილი. მისი განცხადებით ობიექტური გარემოებები აქვს იმ ფაქტს, რომ სტურუას თვითმკვლელობამდე მიყვანაში ბრალდებული ამ დრომდე დაკავებული არ არის:

„ჩავარდნა არ არის. ის, რომ დაკავებული არ არის, ამას აქვს ობიექტური გარემოებები, რომ შეგროვილიყო მტკიცებულებები, რათა დაწყებულიყო სამართლებრივი დევნა. ერთადერთი რაზეც შეიძლება საზოგადოების უკმაყოფილება იყოს, ეს არის, თუ რატომ არის ბრალდებული მიმალული. ის აუცილებლად წარდგება მართლმსაჯულების წინაშე. მოქალაქე, ადამიანი დაბრუნდა პრიორიტეტებში და არ არის სწორი თითქოს ვინმე ვინმეს ხელს აფარებს”, - განაცხადა ნაცვლიშვილმა.