სამეგრელო-ზემო სვანეთის კრიმინალური პოლიციის უფროსი ნარკოტიკების შემოტანისა და ქრთამის გამოძალვისთვის დააკავეს

სამართალი - 23:04, 19 Aug, 2016

7306

შინაგან საქმეთა სამინისტრო სამეგრელო-ზემო სვანეთის სამხარეო სამმართველოს უფროსის დაკავებასთან დაკავშირებით განცხადებას ავრცელებს. უწყებაში ადასტურებენ, რომ ზაზა სურმავა დიდი ოდენობით ნარკოტიკული საშუალებების უკანონოდ შემოტანისა და დიდი დენობის ქრთამის გამოძალვის ფაქტზეა დაკავებული.

,,შინაგან საქმეთა სამინისტროს გენერალურმა ინსპექციამ, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანაში დახმარების და დიდი ოდენობით ქრთამის გამოძალვის ფაქტზე ცენტრალური კრიმინალური პოლიციის დეპარტამენტის სამეგრელო-ზემო სვანეთის სამხარეო სამმართველოს უფროსი ზაზა სურმავა დააკავა. აღნიშნული დანაშაული გათვალისწინებულია საქართველოს სისხლის სამართლის კოდექსის 24-262-ე მუხლის მე-4 ნაწილის „ა“ ქვეპუნქტით (ისჯება თავისუფლების აღკვეთით ვადით თხუთმეტიდან ოც წლამდე ან უვადო თავისუფლების აღკვეთით), სსკ-ს 338-ე მუხლის მე-2 ნაწილის „ბ“ ქვეპუნქტით (ისჯება თავისუფლების აღკვეთით ვადით შვიდიდან თერთმეტ წლამდე) და მესამე ნაწილის „გ“ ქვეპუნქტით (ისჯება თავისუფლების აღკვეთით ვადით თერთმეტიდან თხუთმეტ წლამდე)“ - ნათქვამია შსს-ს განცხადებაში.