რუსთავი2-ის და ტელეკომპანია „საქართველოს“ უფლებადამცველებმა ბათუმში საკონსტიტუციო სასამართლოსთან საგანგებო განცხადებები გააკეთეს:

დიმიტრი ძაგნიძემ საკონსტიტუციო სასამართლოს მიმართა და მოუწოდა, რომ რუსთავი2-ის საქმეები კონსტიტუციურად დადგენილ ვადებში განიხილოს და არ დაემორჩილოს იმ შანტაჟს და მუქარას, რომელიც ხელისუფლების მხრიდან მომდინარეობს, დარჩნენ კონსტიტუციის დაცვის გარანტად და გამოიტანონ კანონიერი გადაწყვეტილება განსაზღვრულ ვადებში.

ადვოკატ ზაზა ბიბილაშვილის თქმით, მიმდინარეობს უპრეცენდენტო ზეწოლა და ვაჭრობა, რომ რუსთავი2-თან დაკავშირებული საქმის განხილვა შეფერხდეს და არ იქნას გამოტანილი გადაწყვეტილება. ადვოკატმა მოსამართლეებს მოუწოდა არ დაემორჩილონ ხელისუფლების მხრიდან შანტაჟს და არ ჩაიდინონ ისეთი რამ რისიც მომავალში შერცხვებათ:

„ნუ დაემორჩილებით ანტისახელმწიფოებრივი ძალის შანტაჟს, რომელმაც შუაღაამეს მიიღო კანონი იმისთვის რომ ეს ინსტიტუცია დაენგრია. ეს ადამიანები აღარ იქნებიან 2 თვეში იმ მდგომარეობაში, რომ თქვენ დაგაშანტაჟონ. ქართული საზოგადოება მათ გამოუტანს განაჩენს. ამასობაში არ ჩაიდიონოთ ისეთი რამ რის გამოც შეგრცხვებათ საკუთარ შვილებს თვალებში ჩახედოთ. დაემორჩილეთ კანონს და გამოაცხადეთ უკვე განხილულ საქმეებზე გადაწყვეტილება. მინდა მივმართო ხელისუფლებას და პირადად ბიძინა ივანიშვილს. მიუხედავად იმისა, რა მოხდება საკონსტიტუციო სასამართლოში, ჩვენ აუცილებლად გავაგრძელებთ ბრძოლას საბოლოო გამარჯვებამდე. ჩვენი ძალა არის ის , რომ ჩვენ ვართ მართლები და არ მოგცემთ საშუალებას საქართველოში სიბნელე და უკანონობა დათესოთ.“- განაცხადა ზაზა ბიბილაშვილმა.