ჟურნალისტ რომან ქევხიშვილის ფიზიკური შეურაცხყოფის გამო თემურ ფიფიას 1000-ლარიანი გირაო შეეფარდა

სამართალი - 17:59, 06 Aug, 2016

4720

თელავის რაიონულ სასამართლოში ჟურნალისტ რომან ქევხიშვილის ცემაში ბრალდებული თემურ ფიფიას სასამართლო გაიმართა. პროკურატურა თემურ ფიფიასთვის 5000-ლარიან გირაოს ითხოვდა, თუმცა მოსამართლის გადაწყვეტილებით ფიფიას 1000-ლარიანი გირაო შეეფარდა.

სასამართლოს გადაწყვეტილებით ულმაყოფილო დარჩა ორივე მხარე . პარტია სოციალისტური საქართველოს“ წევრის თემურ ფიფიას განცხადებით სასამართლომ მხედველობის მიღმა დატოვა რომან ქევხიშვილის მიერ ჩადენილი დანაშაული:

„მე არ ვარ კმაყოფილი სასამართლოს გადაწყვეტილებით, რადგან არჩევენ მხოლოდ იმ დანაშაულს, რომელიც მე ჩავიდინე, მაგრამ საერთოდ მხედველობის გარეშე რჩება დანაშაული, რომელიც ჩაიდინა ე.წ. დაზარალებულმა. რომელიც შემოიჭრა იქ, სადაც ყრილობას ვატარებდით და ჩაგვიშალა ყრილობა,“ - განაცხადა თემურ ფიფიამ.

სასამართლოს გადაწყვეტილებით უკმაყოფილოა ჟურნალისტი რომან ქევხიშვილიც.

„მაშინ, როდესაც პუტინის მთავარი მოკავშირე სოლოლაკის შუშის სასახლეში არის განთავსებული, მე არაფერი მიკვირს დღეს ქართლი ოცნებისგან. ქართულ ოცნებასა დ ბიძინა ივანიშვილს ჯიბეში უზის პროკურატურა და სასამართლო და ეს არის ძალადობის წახალისება,“ - განაცხადა რომან ქევხიშვილმა.

ინციდენტი 2 დღის წინ მოხდა. სოციალისტური საქართველოს ყრილობაზე ჟურნალისტს ფიფიამ დასწრება აუკრძალა და ფიზიკური შეურაცხყოფა მიაყენა. მორიგი სასამართლო პროცესი 9 სექტემბერს ჩაინიშნა.