საკონსტიტუციო სასამართლოს მოსამართლე ლალი ფაფიაშვილის განცხადებით, სასამართლო ჩვეულ რეჟიმში მუშაობს და არავითარ საქმეებთან მიმართებით პროტესტი არ არსებობს:

„ჩვენი მიზანი იყო, რომ იმაზე, გიორგი პაპუაშვილის განცხადებაში ითქვა მიკერძოებასთან, მოსმართლეებზე ზემოქმედებასთან დაკავშირებით, დაწყებულიყო შესაბამისი რეაგირება, ეს ფაქტები გარკვეულიყო. შესაბამისად, კითხვის ნიშნები, რაც არსებობს ცალკეულ სარჩელებთან დაკავშირებით, უნდა იყოს გარკვეული. კარგი იქნებოდა, ეს აქამდე გაკეთებულიყო და არ დაგვჭირვებოდა უფრო ღია ფორმატში საუბარი. ეს თემა ოდესღაც უნდა დამთავრდეს, რადგან ამით ზარალდება მთლიანად ინსტიტუცია და თითეული მოქალაქე. ჩვენი მიზანია, მაქსიმალურად კონსტრუქციულ რეჟიმში გავაგრძელოთ მუშაობა, ოღონდ ისე, რომ ჩვენც გვქონდეს საქმეზე ნორმალური, წყნარ პირობებში, ოღონდ ადეკვატური დროის მონაკვეთის ფარგლებში მომზადების შესაძლებლობა.“, - განაცხადა ლალი ფაფიაშვილმა.

შეგახსენებთ, რომ საქართველოს საკონსტიტუციო სასამართლოს სამი მოსამართლე დიპლომატიური კორპუსის წარმომადგენლებს ხვდებიან. შეხვედრას ესწრებიან მოსამართლეები ზაზა თავაძე, ოთარ სიჭინავა და ლალი ფაფიაშვილი. შეხვედრის დაწყებამდე ოთარ სიჭინავამ ჟურნალისტებთან საუბრისას აღნიშნა, რომ მათ სურთ დიპლომატიურ კორპუსს ინფორმაცია მიაწოდონ საკონსტიტუციო სასამრთლოს ირგვლივ მიმდინარე მოვლენებზე.