საქართველოს საკონსტიტუციო სასამართლოს სამი მოსამართლე დიპლომატიური კორპუსის წარმომადგენლებს ხვდებიან. შეხვედრას ესწრებიან მოსამართლეები ზაზა თავაძე, ოთარ სიჭინავა და ლალი ფაფიაშვილი. შეხვედრის დაწყებამდე ოთარ სიჭინავამ ჟურნალისტებთან საუბრისას აღნიშნა, რომ მათ სურთ დიპლომატიურ კორპუსს ინფორმაცია მიაწოდონ საკონსტიტუციო სასამრთლოს ირგვლივ მიმდინარე მოვლენებზე:

"ჩვენ გვინდა, დიპოლმატიური კორპუსის წარმომადგენლებს ინფორმაცია მივაწოდოთ მიმდინარე პროცესებთან დაკავშირებით, ძირითად სასამართლოში შექმნილ მდგომარეობაზე და არა კონკრეტულ საქმეებზე. რა თქმა უნდა ,საქმეებზე ჩვენ არასდროს არავისთვის ანგარიში არ ჩაგვიბარებია, მერე ყურით მოთრეული ინსინუაციები რომ არ იყოს. გავაცნობთ ჩვენს პოზიციას არსებულ საქმეებთან დაკავშირებით, რადგან, ჩემი აზრით, სასამართლოს ირგვლივ შექმნილია არაჯანსაღი ფონი", - განაცხადა ოთარ სიჭინავამ.

სიჭინავა კატეგორიულად გამორიცხავს, რომ სასამართლო პროცესების მიზანმიმართულად გაჭიანურებას აქვს ადგილი:

"ეს არის მტკნარი სიცრუე და ემსახურება ვიღაცის ინტერესებს ან მეორე მხრივ, შესაძლოა, ვიღაცას რაღაც მიზნები აქვს. მე პირადად, ხვალ პროცესი მაქვს ჩანიშნული. გამოცხადებებია, მაგრამ საკითხები, რომელბზე საკონსტიტუციო სასამართლოს თავმჯდოამრე საუბრიბს, უნდა გაირკვეს, ვიდრე არ გაირკვევა, რა თქმა უნდა რთული კი არა, ჩემთვის შეუძლებელია საქმის განხილვაში მონაწილეობა", - ამბობს სიჭინავა.