საკონსტიტუციო სასამართლოს მოსამართლეების ნაწილის პროტესტს, რომლის მიხედვითაც ისინი არ აპირებენ დღეს დაესწრონ გიგი უგულავას და ე.წ. კაბელების სარჩელის განხილვას, არასამთავრობოები მიუღებლად მიიჩნევენ. მესამე სექტორი მიიჩნევს, რომ მოსამართლეთა შესაძლო ზეწოლის საქმის გამოძიების გამო, არ უნდა შეფერხდეს სხვა საქმეების განხილვა.

„არ იქნება გონივრული, რომ სასამართლომ უსასრულოდ გააჭიანუროს ამ საქმეების განხილვა,“ - განაცხადა ადამიანის უფლებების სწავლებისა და მონიტორინგის ცენტრის ინსტიტუციური რეფორმების პროგრამის დირექტორმა სოფო ვერძეულმა.

არასამთავრობო ორგანიზაცია საერთაშორისო გამჭვირვალობა - საქართველოს ანალიტიკოსი გიორგი ბერაია დაუშვებლად მიიჩნევს სასამართლოს მიერ ფუნქციონირების შეწყვეტას.