"ვინანიებ ჩემს საქციელს, ცუდი მაგალითი მივეცი ახალგაზრდა სპორტსმენებს"- ბექა წივწივაძე ბოდიშს იხდის

სამართალი - 20:56, 21 Jul, 2016

15534

საქართველოს კალათბურთის ეროვნული ნაკრების კალათბურთელი ბექა წივწივაძე მედიასთან გამოჩნდა და ნარკოტიკული საშუალების შეძენა, შენახვა, შემოტანის ფაქტზე მისი დაკავების შესახებ პირველი კომენტარი გააკეთა.
სპორტსმენმა საჯარო ბოდიში მოიხადა.
"ვიმყოფებოდი ჩინეთში, რის შემდეგაც გამომიძახეს საქართველოს ეროვნულ ნაკრებში. ძალიან ცუდი ფაქტი მოხდა - მივიღე ფეხის ტრამვა, ამან იმოქმედა ჩემზე, მერე წვეულებაზე დავლიე და ნარკოტიკული საშუალება ე.წ გაშიში მოვიხმარე. გამომყვა ეს გაშიში საქართველოში, რომელიც 0,4 გრამი იყო, ეს ექსპერტიზის დასკვნაშიც წერია. ვინანიებ ჩემს საქციელს, ცუდი მაგალითი მივეცი ახალგაზრდა სპორტსმენებს. ბოდიშს ვუხდი ჩემს მეგობრებს ოჯახს და მთელს საქართველოს, ვინც მგულშემატკივრობს"- აღნიშნა სპორტსმენმა.

წივწივაძე აცხადებს, რომ საქმიანობის გაგრძელება სურს.
ნარკოტიკული საშუალების შეძენა, შენახვა, გადატანის ბრალდებით, მოდელისა და ტელეწამყვანის მანიკა ასათიანის ქმარი, საქართველოს კალათბურთელთა ეროვნული ნაკრების წევრი ბექა წივწივაძე რამდენიმე დღის წინ თბილისის საერთაშორისო აეროპორტში დააკავეს.

სასამართლომ დაკავებულს აღკვეთის ღონისძიების გირაო შეუფარდა.