თურქი პოლიციელის მკვლელობის ბრალდებით, ქვეყნის სამხრეთ-აღმოსავლეთ რეგიონის ქალაქ მარმარისში 5 ქართველი დააკავეს.

გავრცელებული ინფორმაციით, სამართალდამცავი მაშინ მოკლეს, როდესაც მათ ავტომობილის ძარცვის ფაქტზე წაასწრო.

45 წლის სამართალდამცავმა ბრალდებულებს წინააღმდეგობა გაუწია, რის შემდეგაც მას ცივი იარაღით ყელისა და მუცლის არეში ჭრილოებები მიაყენეს, შემდეგ კი ავტომობილით გადაუარეს. სამართალდამცველი საავადმყოფოში მიყვანამდე დაიღუპა.

თურქულ მედიაში კადრები გავრცელდა, რომლებშიც ადგილობრივი პოლიციელები ფიზიკურად უსწორდებიან დაკავებულებს.

ბოლო ორი დღეა მარმარისში სამართალდამცველები სპეციალურ რეიდებს ატარებენ.

დაკავებული ქართველების ოჯახის წევრები ახლობლების შესახებ ინფორმაციის მიწოდებას ითხოვენ. მათი თქმით, დაკავებულები ნაცემები არიან.

საქართველოს საგარეო საქმეთა სამინისტროს განცხადებით, საქართველოს საკონსულოში შესული ინფორმაციით, დაკავებულია საქართველოს 5 მოქალაქე.. გავრცელებული ინფორომაციით, მათ ბრალი ედებათ განსაკუთრებული სისასტიკით ჩადენილ დანაშაულში. საქართველოს კონსული მიემგზავრება შემთხვევის ადგილზე.. ბოლო ინფორმაციით, (რომელიც მიიღო საკონსულომ თურქი სამართალდამცავებისგან) , ამჟამად მიმდინარეობს დაკავებულთა დაკითხვა.