"ეს პოლიტიკური დევნა იყო, ეს დასტურდება საქმის მასალებით" - გიორგაძე საქართველოს სასამართლოს გადაწყვეტილებას ელოდება

სამართალი - 10:15, 21 Jul, 2016

2528

იგორ გიორგაძის ადვოკატი ექს-მინისტრის მიმართ საერთაშორისო ძებნის შეწყვეტასთან დაკავშირებით კომენტარს აკეთებს.

გაგი მოსიაშვილის თქმით, მისი დაცვის ქვეშ მყოფი უდანაშაულოა, ინტერპოლის გადაწყვეტილება კი სამართლიანი.

მეტიც, გაგი მოსიაშვილის თქმით, ყველა შესაბამისი დოკუმენტით დადასტურებულია, რომ უშიშროების ყოფილი მინისტრი პოლიტიკური დევნილი იყო.

„ბატონი იგორის მიმართ იყო პოლიტიკური დევნა, ეს დასტურდება საქმის მასალებით, რომელიც არსებობს, შესაბამისად ინტერპოლმა მიიღო ობიექტური გადაწყვეტილება,“ - განაცხადა გაგი მოსიაშვილმა.

რაც შეეხება სამომავლო სამართლებრივ ქმედებებს, ადვოკატები დეტალებზე დღეს პრესკონფერეციაზე ისაუბრებენ.

როგორც ცნობილია, იგორ გიორგაძე საქართველოში ჩამოსასვლელად სასამართლოს გადაწყვეტილებას ელოდება.

ინფორმაცია, რომ იგორ გიორგაძეზე ინტერპოლმა ძებნა შეწყვიტა. ამის შესახებ გიორგაძემ ტელეკომპანია „იბერიასთან“ სატელეფონო საუბრისას თავად გიორგაძემ დაადასტურა.

რაც შეეხება პოლიტიკურ აქტივობას, გიორგაძემ უარყო გავრცელებული ინფორმაცია, რომ 2016 წლის საპარლამენტო არჩევნებში კენჭს იყრის.

ინტერპოლის გადაწყვეტილებას გამოეხმაურა საქართველოს მთავარი პროკურატურა, უწყებაში აცხადებენ, რომ მთავარი პროკურატურა მიმართავს ყველა საშუალებას, რათა იგორ გიორგაძის მიმართ აღდგეს წითელი ცირკულარით საერთაშორისო ძებნა.

ცნობისთვის, ქართველი სამართალდამცავები იგორ გიორგაძეს ედუარდ შევარდნაძეზე განხორციელებული ტერაქტის გამო ეძებდნენ. მისი გვარი ფიგურირებს გიორგი ჭანტურიას წინააღმდეგ განხორციელებულ ტერაქტშიც. 21 წლის განმავლობაში გიორგაზე რუსეთს აფარებდა თავს.