წამების რამდენიმე ეპიზოდში ბრალდებული გაგა მკურნალიძე გაათავისუფლეს

სამართალი - 20:33, 08 Jul, 2016

16595

როგორც ირკვევა წამების რამდენიმე ეპიზოდში ბრალდებული გაგა მკურნალიძე პატიმრობიდან, მიმდინარე წლის იანვრიდან გათავისუფლებულია.
სასჯელაღსრულების დეპარტამენტის უფროსის ყოფილი მოადგილე, გლდანის ციხის კარანტინის დაშლის კადრებთან დაკავშირებით, წამების მუხლით იყო 3 წლით და 4 თვით დაპატიმრებული.
მკურნალიძე დღეს ჟურალისტებმა სასამართლოში დააფისირეს, თუმცა მან ამ სამეზე კომენტარის გაკეთება არ ისურვა.

პროკურორი ლაშა კოტრიკაძე აცხადებს, რომ მკურნალიძეს ბრალი წამების სხვა ეპიზოდზეც ედებოდა, ამიტომ პროკურატურა აღკვეთის ღონისძიების შეფარდების მოთხოვნით სასამართლოს 2-ჯერ შევიდა თუმცა სასამართლომ მათი მოთხოვნა არ დააკმაყოფილა.

პროკურორი აცხადებს, რომ მკურნალიძეს ბრალი წამების კიდევ ერთ აპიზოდზე ჰქონდა წაყენმებული. საქმე ეხება 21 წლის პატიმრის, ელდარ ქობალიას წამებას, რომელიც უკვე გარდაცვლილია.

პროკურორის განცხადებით, პირდაპირ ვერ ადასტურებენ , რომ გარდაცვალება წამებამ გამოიწვია, თუმცა სიკვდილი წამებიდან 2-3 საათში დადგა.

ამავე საქმეზე წამების მუხლით ბრალდებულია გლდანის ციხის ყოფილი დირექტორი ალექსანდრე მუხაძე და სამხედრო პოლიციის უფროსის ყოფილი მოადგილე მეგის ქარდავა. მათზე ძებნაა გამოცხადებული.

კოტრიკაძის თქმით, ვინაიდან მკურნალიძეს მძიმე მუხლი ჰქონდა წარდგენილი, რომელიც 15 წლამდე პატიმრობას ითვალისწინებს, არსებობს მოწმეთა ზეგავლენის ან მიმალვის შესაძლებლობა.