იუსტიციის საბჭოს მდივანი პრეზიდენტის საპარლამენტო მდივნის მიერ გუშინ გაკეთებულ განცხადებას პასუხობს. ანა დოლიძემ გუშინ გამოთქვა გარკვეული შენიშვნები მოსამართლეთა დანიშვნის პროცესთან დაკავშირებით. მურუსიძის განცხადებით, იგი გამოდის ინიციატივით, რომ მოსმართლეთა დანიშვნის პროცესზე პასუხისმგებლობა კვლავ პრეზიდენტმა აიღოს.

„თუ სურთ შემოიტანონ განაცხადი იმ კანდიდატებმაც, რომლებიც მაღალ სტანდარტს აკმაყოფილებენ, დაესწრნონ ტელევიზიებიც, საზოგადოებაც და ღიად გასცენ შეკითხვებს პასუხი და აჩვენონ საზოგადოებას რა არის ის მაღალი სტანდარტი და როგორი უნდა იყოს მოსამართლე, რომელიც ღირსი იქნება მანტიის ჩაცმის. როგორ შეიძლება ზოგადად ისაუბრო იმაზე, რომ ისეთი ადამიანები გახდებიან მოსამართლეები, რომლებიც ღირსნი არ არიან მანტიის ჩაცმის? ვინც ადგენს ვინ არის ღირსი და ვინ არა, ეს არის იუსტიციის უმაღლესი საბჭო. შეიტანონ კანონში ცვლილება და დაავალონ პრეზიდენტს დააკომპლექტოს სასამართლო. მაშინ პრეზიდენტი იქნება პასუხისმგებელი“, - განაცხადა ლევან მურუსიძემ.