"სასამართლო ვერ გვისახელებს შემთხვევას, როდესაც გადაწყვეტილება ფოსტით გაუგზავნეს მხარეს"- საძაგლიშვილი

სამართალი - 15:30, 04 Jul, 2016

2653

„რუსთავი2“-ის ადვოკატი დიმიტრი საძაგლიშვილი სოციალურ ქსელში სააპელციო სასამართლოს მიერ გამოგზავნილ წერილს აქვეყნებს, როგორც საძაგლიშვილი წერს, სასამართლომ ვერ შეძლო დაესახელებინა ერთ შემთხვევას მაინც, როდესაც დასაბუთებული გადაწყვეტილება ფოსტით გაუგზავნეს მხარეს, როგორც ეს რუსთავი2-ის შემთხვევაში მოხდა:

"სააპელაციო სასამართლო ვერ გვისახელებს ერთ შემთხვევას მაინც, როდესაც დასაბუთებული გადაწყვეტილება ფოსტით გაუგზავნეს მხარეს.

არა, გუჯაბიძის დამოუკიდებლობაში კი არ მეპარება ეჭვი (მაგას როგორ ვიკადრებ), არც იმაში მეპარება ეჭვი, რომ რუსთავი 2-ის საქმე ორ კერძო პირს შორის დავაა (რა სისულელეა).

უბრალოდ დამთხვევაა, რომ მაინც და მაინც რ2-ში დაინიშნა დროებითი მმართველი (მსგავსი პრეცედენტი სასამართლო პრაქტიკაში არ არსებობდა), რომ პირველ ინსტანციაში 12 სამუშაო დღეში 8 სხდომა გვქონდა, აპელაციაში 7 დღეში 4 სხდომა (ასეთ დაჩქარებულ რეჟიმში არც ერთი სამოქალაქო საქმე არ განხილულა), რომ სასამართლო 12 დღეში უგზავნის მხარეს დასაბუთებულ გადაწყვეტილებას (არც მსგავსი რამ მომხდარა ოდესმე), რომ სააპელაციო სასამართლოში საქმის განმხილველი შემადგენლობა სამჯერ შეიცვალა და ა.შ.

ალბათ სიცხის ბრალია, სხვა გამართლებას რომ ვერ ვპოულობ"-- წერს დიმიტრი საძაგლიშვილი