რატომ არ დაიწყო პროკურატურამ ფხოველიშვილის სკანდალურ განცხადებაზე გამოძიება

სამართალი - 15:28, 04 Jul, 2016

2051

გაერთიანებული წყალმომარაგების კომპანიის ყოფილი მთავარი ბუღალტერი, ბრალდებული თამარ ფხოველიშვილი კომპანიის მაშინდელ ხელმძღვანელ არჩილ ცაბუტაშვილსა და ზვიად ჯანყარაშვილს ადანაშაულებს. მისი თქმით, დანაშაულებრივ სქემაში, რომელსაც ცაბუტაშვილი კურირებდა, მას მწვანე შუქი ზვიად ჯანყარაშვილმა და კახელების კლანმა აუნთო.

როგორც ფხოველიშვილის ადვოკატმა გაგი მოსიაშვილმა "ნიუპოსტს" განუცხადა დაკავებულის აღნიშნული განცხადების შემდეგ, მთავარ პროკურატურას ამ კონკრეტულ ეპიზოდზე გამოძიება უნდა დაეწყოთ.

"ჩვენი მოთხოვნაა ობიექტურად იყოს შეფასებული საქმეში არსებული მასალები, როგორც ფხოველიშვილის ასევე ამ საქმეში მონაწილე სავარაუდო პირების მიმართ"- აღნიშნა ადვოკატმა.

რაც შეეხება საბიუჯეტო თანხების მითვისებისთვის ინტერნეტ-კაზინოების გამოყენების ეპიზოდს, გაგი მოსიაშვილმა ამ საკითხზე დამატებითი განმარტების გაკეთება არ ისურვა.

"თქვენ მოისმინეთ ბრალდებულის განცხადება ამ ეპიზოდთან დაკავშირებით, ის ამას ამბობს, რომ ასე იყო, გამოძიების ვალდებულება კი არის, რომ გამოიძიოს, დაინტერესდეს, ობიექტურად შეაფასოს ყველა არსებული ინფორმაცია, რაზეც ეს ადამიანი მიუთითებს. ჩვენი მოთხოვნა არახალია, ვითხოვთ, რომ მოხდეს კონკრეტული ფაქტების სამართლებრივი შეფასება და ამის შემდეგ მიიღოს სასამართლომ შემაჯამებელი გადაწყვეტილება"- განმარტა ადვოკატმა.

წყალმომარაგების კომპანიიდან ორ-ნახევარი მილიონი ლარის მითვისების საქმეზე მოსამართლემ საბოლოო განაჩენი გასული წლის 9 ნოემბერს გამოაცხადა. წყალმომარაგების კომპანიის მთავარ ბუღალტერს თამარ ფხოველიშვილს და მის მეუღლეს 10 წლით თავისუფლების აღკვეთა მიესაჯათ. მესამე ბრალდებულს თამარ ნავროზაშვილს კი - 6 წელი, აქედან 2 საპატიმრო, 4 - პირობითი სასჯელი.

გუშინ კი თამარ ფხოველიშვილმა გადაცემა "პოსკრიპტუმთან" საქმის სკანდალურ დეტალებზე ისაუვრა.

სატელეფონო საუბრისას კი ფხოველიშვილი დეტალურად იხსენებს იმ სქემას, როგორ რიცხავდა ის გაერთიანებული წყალმომარაგების კომპანიის ყოფილი მთავარი ბუღალტერი ბიუჯეტის კუთვნილ ფულს ონლაინ-კაზინოს ანგარიშზე და დირექტორის დავალებით პოკერის თამაშს იწყებდა საბოლოო ჯამში თანხა სხვადასხვა ანგარიშებზე ხვდებოდა ამ კომპანიების უკან კი მსჯავრდებულის მტკიცებით სწორედ ფხოველიშვილი იდგა.