ქუთაისში მომხდარ უბედურ შემთხვევას 42 წლის მამაკაცის სიცოცხლე ემსხვერპლა. როგორც "ნიუპოსტის" კორესპონდენტი იტყობინება თაბუკაშვილის ქუჩაზე ახალგაზრდა კაცი ლიფტის შახტაში ჩავარდნის შედეგად გარდაიცვალა.

თვითმხილველის თქმით, მამაკაცმა ლიფტი გამოიძახა, კარი გააღო და შახტაში გადავარდა.

ადგილზე მობილიზებულია სასწრაფო და სამაშველო სამსახურები.

მამაკაცის გარდაცვალების ფაქტი "ნიუპოსტს" საგანგებო სიტუაციების მართვის სააგენტოშიც დაუდასტურეს.

მათი თქმით, სამაშველო ღონისძიების დროს მსუბუქად დაშავდა სამაშველო სამსახურის თანამშრომელი, რომელიც სტაციონარში მოათავსეს.