თბილისის ყოფილმა მთავარმა პროკურორმა ნოდარ გრიგალაშვილმა ტელეკომპანია „იბერიის“ ეთერში სულხან მოლაშვილის სკანდალურ საქმეზე ისაუბრა. გრიგალაშვილის თქმით თავდაპირველად მოლაშვილთან გასაუბრებისა და დაზიანებების ნახვის შემდეგ ის თითქმის დარწმუნებული იყო, რომ სულხან მოლაშვილი აწამეს. მაგრამ შემდგომი დაკვირვებებით მას გარკვეული ეჭვები გაუჩნდა. გრიგალაშვილის თქმით მოლაშვილს სხეულზე- ფეხებისა და ზურგის არეში მართლაც აღენიშნებოდა დაზიანებები, თუმცა იმ პერიოდის ექსპერტიზა ვერ ადგენდა დაზიანების ხანდაზმულობას. გრიგალაშვილი მოლაშვილთან საუბრის დეტალებიც გაიხსენა და განაცხადა რომ პატიმარმა ფეხებზე არსებული დაზიანებები მაშინ, მისივე დაავადებით ახსნა.

გრიგალაშვილმა ასევე ისაუბრა კამერის ჩანაწერებზეც, მისი თქმით იმ პერიოდში რა პერიოდზეც სულხან მოლაშვილი აცხადებდა, რომ ის საკინიდან გაიყვანეს და აწამეს, ჩანაწერებში მისი საკნიდან გაყვანა არ ფიქსირდება. „დროებითი დაკავების საკანში ის არავის უწამებია“- განაცხადა გრიგალაშვილმა.

გრიგალაშვილის განცხადებით 2014 წლის 11 მარტს თეა წულუკიანმა ევროსასამართლოში გააგზავნა წერილი , სადაც სულხან მოლაშვილის საჩივრის ყველა პუნქტი აღიარა. გრიგალაშვილის განმარტებით იუსტიციის მინისტრმა აღიარა წამება, როდესაც საქმის მასალებით სხვა რამ არის დადასტურებული.