საკონსტიტუციო სასამართლოს პლენუმი ტელეკომპანია რუსთავი 2-ის საქმეზე მსჯელობს. პირველი კოლეგიის შემადგენლობა, უკვე განხილულ საქმეზე კითხვების დასმისგან თავს იკავებს. მოსამართლეთა ნაწილი საქმის გადადებას უჭერდა მხარს, მაგრამ თავმჯდომარემ შუამდგომლობა არ დააკმაყოფილა. ამორალურ მუხლზე მსჯელობა გრძელდება.

პირველი კოლეგიის შემადგენლობის წევრებმა სხდომის დაწყებისთანავე განმარტეს ის მიზეზები, რის გამოც ისინი დღეს მიმდინარე განხილვაში აქტიური მონაწილეობისგან თავს შეიკავებენ. ქეთევან ერემაძემ განაცხადა, რომ მათ მიერ საქმის გამოკვლევა საფუძვლიანად უკვე მოხდა.

„ჩვენ მივიღეთ ყველა საჭირო პასუხი ჩვენთვის საინტერესო კითხვებზე,“- განაცხადა ქეთევან ერემაძემ.