,,მკვლელობის მოტივი ოთარ ბერძენიშვილი იყო... პაპიძე მისგან დაორსულებას ცდილობდა“

,,მკვლელობის მოტივი ოთარ ბერძენიშვილი იყო... პაპიძე მისგან დაორსულებას ცდილობდა“ - სკანდალური საქმე

სამართალი - 15:50, 10 Jun, 2016

73380

თბილისის საქალაქო სასამართლოში მცირეწლოვანი შვილისა და ქმრის მკვლელობაში ბრალდებული მაგდა პაპიძის სასამართლო პროცესი მიმდინარეობს. საქმეს ნაფიცი მსაჯულები განიხილავენ.

სხდომის დასაწყისში მხარეებმა შესავალი სიტყვები წარმოსთქვეს. მაგდა პაპიძის საქმის პროკურორის განცხადებით საქმეში არაერთი მტკიცებულებაა რომელიც პაპიძის დანაშაულს ადასტურებს. პროკურორ ელენე ჩხეიძის განცხადებით მკვლელობის მოტივი პაპიძის მეგობარი მამაკაცი ოთარ ბერძენიშვილი გახდა. მაგდა პაპიძემ ქმრისა და შვილის მოშორება სწორედ მასთან ურთიერთობის გასამყარებლად გადაწყვიტა. ამასთანავე პაპიძე შეეცადა მისგან ორსულად დარჩენილიყო. ჩხეიძის თქმით სწორედ განზრახი დანაშაულის დამადასტურებელია ჩანაწერები რომელიც პაპიძეს ეკუთვნის და სადაც მოყვანილია ნივთების ჩამონათვალი, რომელიც მას კვალის წასაშლელად დასჭირდა. პროკურორის განცხადებით პაპიძის ბრალეულობას ამტკიცებს ექსპერტიზის შედეგებიც.

სხდომაზე სიტყვით გამოვიდა მაგდა პაპიძის ადვოკატი მარიკა ფხალაძეც, ადვოკატის განცხადებით მაგდა პაპიძე არა დამნაშავე, არამედ ყველაზე მატად დაზარალებულია, რადგან მას ქმარ-შვილი მოუკლეს:

ეს არის მისთვის ყველაზე დიდი ტრაგედია და დღეს თუ მაგდა პაპიძე ცდილობს თავის გამართლებას იმიტომ, რომ მას არ დაერქვას საკუთარი შვილისა და მეუღლის მკვლელი. ფაქტობრივად, მისთვის ცხოვრება დამთავრებულია“, - მიმართა ადვოკატმა ნაფიც მსაჯულებს. ადვოკატს საეჭვოდ მიაჩნია ჩანაწერების რვეულიც, მისი თქმით ეს ჩანაწერი გამოძიების მიერ დაახლოებით 2 კვირის შემდეგაა მოპოვებული. ფხალაძის მოსაზრებით, როდესაც დამნაშავე ცდილობს კვალის დაფარვას, ის ჩანაწერებს და არ ტოვებს შემთხვევის ადგილზე.

სასამართლოზე სიტყვით გამოვიდა თავად ბრალდებული მაგდა პაპიძეც, მან კიდევ ერთხელ ისაუბრა მის მიმართ განხორციელებულ ძალადობაზე, რომელიც მისი თქმით სამართალდამცველებმა მასზე დაკავების შემდეგ განახორციელეს:

„რომ არ მრცხვენოდეს გავიხსნიდი და გაჩვენებდით დაზიანებებს ჩემს მუცელზე. არცერთი მოწმე არ დაიკითხა იმ ძალადობაზე, რომელიც ჩემს მიმართ დაკავების შემდეგ განხორციელდა. არ ჩაატარეს ვიზუალური ამოცნობა. ყველა დაზიანებამ გამიარა, მაგრამ მუცელზე დაზიანებამ არა. რა ჩვენებები დაწერეს, არ ვიცი. მაშინ ყველაფერს მიაღწიეს. ზედ დამახიეს ქურთუკი, ბოლოს, რომ დაინახეს ინსულინი გაჩერდნენ. ვიდრე არ იქნება გამოძიებული ეს ძალადობა, რა სამართალზე დედაშვილობაზე და სიყვარულზე ლაპარაკობენ" მაგდა პაპიძის თქმით მას ქმარ შვილთან კარგი ურთიერთობა ქონდა. მისი შვილი დღენაკლული დაიბადა და ჯანმრთელობის პრობლემები სწორედ მისი დახმარებით დაძლია.

„რამდენიმე თვე ტანსაცმელი არ გამომიცვლია, სულ მკერდზე მეწვა. ასე მოვაძლიერე. ყველანაირად ხელს ვუწყობდი, დიდი ინვესტიცია ჩავდე თორნიკეში ცეკვავდა, მღეროდა, ჰქონდა საბავშვო ბიბლიოთეკა”, - განაცხადა პაპიძემ. მან მეუღლეც დადებითად დაახასიათა და განაცხადა რომ ომარ ქაფიაშვილი იდეალური მეუღლე იყო.