რუსთავი 2-ის საქმეზე სააპელაციო სასამართლომ პირველი ინსტანციის გაადწყვეტილება ძალაში დატოვა.

სამაუწყებლო კომპანიის ადვოკატები საქალაქო სასამართლოს მოსამართლის თამაზ ურთმელიძის მიერ 2015 წლის 3 ნოემბერს მიღებული გადაწყვეტილების გაუქმებას და საქმის პირველ ინსტანციაში დაბრუნებას ითხოვდნენ.

აღნიშნულ გადაწყვეტილებას ტელეკომპანიის ადვოკატი, თამთა მურადაშვილი „მართლმსაჯულების პანაშვიდს“ უწოდებს:

„დღეს არის მართლმსაჯულების პანაშვიდის დღე, პანაშვიდზე ვართ მოსულები, მე განგებ შავებში ვარ დღეს, იმიტომ რომ ველოდი ამ გადაწყვეტილებას და მინდოდა მიმესამძიმრებინა ქართული საზოგადოებისათვის, რომ დღეს ფაქტობრივად გარდაიცვალა ქართული მართლმსაჯულება. ჩვენ ამას ველოდით, ძალიან კარგი, რომ ასე მოხდა, იმ თვალსაზრისით, რომ საზოგადოება დაინახავას, ყველა ის გარემოებები რაზეც ჩვენ მივუთითებდით, გამართლდა, ეს გარემოებები არის სიმართლე და ეს დადასტურდა დღეს“, - განაცხადა თამთა მურადაშვილმა.