მერაბ ტურავა რუსთავი 2-ის საქმეში - მოსამართლე ადვოკატთა სარჩელის განხილვის გაჭიანურებას ცდილობს

სამართალი - 18:11, 08 Jun, 2016

1569

რუსთავი 2-ის ადვოკატების განცხადებით მერაბ ტურავა ითხოვს რუსთავი 2-ის სამი სარჩელის საკონსტიტუციო სასამართლოს პლენუმისთვის გადაცემას, რის შედეგადაც საქმის განხილვა დროში გაიწელება და გაჭიანურდება. დიმიტრი საძაგლიშვილის თქმით აღნიშნული ქმედებით საკონსტიტუციო სასამართლო გადაწყვეტილების მიღებას ვერ მოასწრებს, საერთო სასამართლოების მიერ გადაწყვეტილების მიღებამდე.

„იკვეთება პირდაპირი ინტერესი ხელისუფლების წარმომადგენლების, რომ საერთო სასამართლოების გადაწყვეტილების გამოცხადებამდე, არავითარ შემთხვევაში საკონსტიტუციო სასამართლომ არ უნდა მიიღოს გადაწყვეტილება. ეს განხორციელდა და აღსრულდა დღეს მერაბ ტურავას ხელით. ახლა კი საკონსტიტუციო სასამართლოს პლენუმზეა დამოკიდებული თავად განიხილავს თუ დაუბრუნებს ამ კოლეგიას საქმეს. მნიშვნელოვანია ის, რომ ერთი სარჩელი განხილულია იმ კოლეგიის მიერ სადაც მოსამართლე იყო სწორედ მერაბ ტურავა და ეს საკითხი არ წამოჭრილა მაშინ. ახლა როდესაც საკონსტიტუციო სასამართლოს შესახებ კანონი ამოქმედდა, მას მიენიჭა უფლება და კანონის ამოქმედებიდან მეორე დღესვე ეს გააკეთა და შეეცადა რ2-თან დაკავშირებით გადაწყვეტილების მიღება გაეჭიანურებინა“- განაცხადა დიმიტრი საძაგლიშვილმა.