"მართლმსაჯულების გაუპატიურება არავის არ უნდა შერჩეს"- გვარამიას განცხადება სასამართლო პროცესის შემდგომ

სამართალი - 18:30, 03 Jun, 2016

4198

რუსთავი2-ის გენერალური დირექტორის ნიკა გვარამიას განცხადებით ტელეკომპანიის სასამართლო პროცესზე არა მართლმსაჯულება, არამედ დანაშაულებრივი საქმიანობა ხორციელდება. აღნიშნული განცხადება გვარამიამ დღეს სასამართლო პროცესის დასრულების შემდგომ გააკეთა, რომელსაც მოსამართლეთა კოლეგიის გადაწყვეტილებით თავად ვერ ესწრებოდა:

„მე ვიყავი გაძევებული სხდომის ფარგლებში და არა პროცესის ბოლომდე და სრულიად გაურკვეველია დღეს რატომ არ დამიშვა სასამართლომ. მერე მოხდა სრულიად წარმოუდგენელი რამ რუსთავი2 სრულიად დაცვის გარეშე დატოვეს ამ სამმა ზონდერმა მოსამართლემ, მათ შორის ერთ-ერთმა თაღლითმა. ყველაზე უფრო საოცარი ის არის რომ გუჯაბიძე, რომლზეც პრაქტიკულად მამხილებელი სიუჟეტები გავუშვით, ამ ქალის , მოსამართლეს აღარ ვიხმარ მისი მისამართით, მისი შუამდგომლობის აცილება არც კი განიხილა. მოკლედ და კონკრეტულად ის რაც პროცესზე მიმდინარეობა არის არა მართლმსაჯულება და მართლმსაჯულების იმიტაცია, არამედ არის დანაშაულებრივი საქმიანობა სამი უსინდისო ქალის მხრიდან, რომლებიც არიან დაქირავებულები , არ გამოვრიცხავ, რომ ამაში ანაზღაურებასაც იღებდნენ და იმართებიან ერთი კონკრეტული ცენტრიდან. ეს ქალები აუცილებლად აგებენ პასუხს კანონის წინაშე, კანონის მთელი სიმკაცრით. ასევე არა მარტო ეს უსინდისო ქალები, არამედ ის უსინდისო კაცებიც და ქალებიც, რომლებიც მათ უკან დგანან და ამ სასამართლო შენობაში სხედან და არა მხოლოდ აქ, იუსტიციის საბჭოშიც მათ შორის და ის უსირცხვილო გრაფომანი, მანიაკალლური მისწრაფებების კაციც, რომელიც მის ყურმოჭრილ მონებს აძლევს დავალებას რომ პროცესზე ასე მოიქცნენ. ყველა აგებს პასუხს, იმიტომ რომ მართლმსაჯულების გაუპატიურება არავის და არასდროს არ უნდა შერჩეს. ეს უნდა იყოს მაგალითი ყველა შემდგომმი ხელისუფლებისთვის ამიტომ მათი დასჯაც უნდა იყოს სამაგალითო“- განაცხადა ნიკა გვარამიამ.