მოსამართლე ნათია გუჯაბიძის საქმეზე განმარტებებს აკეთებენ მისი კოლეგები იუსტიციის უმაღლესი საბჭოდან. საბჭოში ადასტურებენ, რომ დაახლოებით 2 წლის წინ დისციპლინურმა საბჭომ მართლაც განიხილა სახელმწიფო სახსრების საკითხი და მიიჩნია, რომ გადაცდომა არ ყოფილა. აღნიშნულ ინფორმაციას ადასტურებს იუსტიციის საბჭოს მდივანი, ლევან მურუსიძე:

„დისციპლინური სამართალწარმოება, ეს არის კონფიდენციალური, იუსტიციის უმაღლესმა საბჭომ გასცა პასუხი და აღნიშნა, რომ გუჯაბიძის მიმართ ზოგადად არასოდეს არ ყოფილა რაიმე სახდელი დაკისრებული, რაც შეეხება იმ საკითხს, თუ რატომ შეუწყდა ქირა, ეს არ არის კონფიდენციალური და შემიძლია პირდაპირ განვაცხადო, მან განცხადებით მიმართა საბჭოს და თავად განაცხადა უარი, მიზეზი რა იყო არ ვიცი. აქედან გამომდინარე, მე რაც შემეძლო და საბჭოს რაც შეეძლო კონფიდენციალურობიდან გამომდინარე ვთქვით“, - განაცხადა ლევან მურუსიძემ.