ქიბარ ხალვაშისთვის არანაირი მნიშვნელობა არა აქვს ვინ განიხილავს და რა ვადაში ამ საქმეს- პაატა სალია

სამართალი - 10:19, 03 Jun, 2016

2841

ქიბარ ხალვაშის უფლებადამცველის პაატა სალიას განცხადებით მისი მარწმუნებლისთვის დიდი მნიშვნელობა არ აქვს თუ რომელი მოსამართლე განიხილავს „რუსთავი2“-ის საქმეს. ამასთანავე როგორც სალია აცხადებს მათ პრეტენზია არც ვადებთან დაკავშირებით აქვთ:

„ეს თუნდაც ასე რომ იყოს როგორც გვარამია აცხადებს, მე ვერ ვხედავ რა პირდაპირი კავშირი აქვს ამ კონკრეტულ საქმესთან . თუ მისი აცილების შუამდგომლობას დააყენებენ მოვისმენთ კონკრეტულად რა არის სამართლებრივი საფუძველი იმისათვის თუ რომ ეს მოსამართლე იყოს აცილებული. ჩემი მარწმუნებლისათვის არანაირი მნიშვნელობა არა აქვს ვინ განიხილავს და რა ვადაში ამ საქმეს, ნუ რა თქმა უნდა 10-20 წელი არ უნდა გაგრძელდეს სამოქალაქო საქმის განხილვა. მაგრამ პრინციპული მნიშვნელობა, რომ ეს მოხდეს დღეს და არა რამდენიმე თვეში ან მომავალ წელს ამას არ აქვს, პრინციპული მნიშვნელობა აქვს იმას რომ დადგინდეს სიმართლე“- განაცხადა პაატა სალიამ.

შეგახსენებთ, დღეს რუსთავი 2-ის საქმეზე მორიგი სასამართლო პროცესი იმართება, იურისტები დღევანდელ სასამართლო პროცესზე მოსამართლე გუჯაბიძისგან თვითაცილების შუამდგომლობის დაყენებას ელოდებიან. იმ შემთხვევაში თუ მოსამართლე გუჯაბიძე ამ შუამდგომლობას არ დააყენებს არ არის გამორიცხული მისი აცილების შუამდგომლობა თავად რუსთავი 2-ის იურისტებმა დააყენონ.

შეგახსენებთ, რომ რუსთავი2-ის გენერალურმა დირექტორმა ნიკა გვარამიამ გუშინ სკანდალური განცხადება გააკეთა. მისი ინფორმაციით ნათია გუჯაბიძე შესაძლო თაღლითობაშია შემჩნეული.