დასისხლიანებულმა სამმართველოს უფროსებმა ერთმანეთი ხელჯოხებით სცემეს

დასისხლიანებულმა სამმართველოს უფროსებმა ერთმანეთი ხელჯოხებით სცემეს - რას ამბობს შსს?

სამართალი - 17:12, 31 May, 2016

18628

kutaisitoday.com- ის ინფორმაციით, ნასვამ მდგომარეობაში მყოფმა ზესტაფონის სამმართველოს უფროსმა პავლე ბუბულაშვილმა და ტყიბულის სამმართველოს უფროსმა ზაზა ჩუბინიძემ ერთ –ერთ რესტორანში შელაპარაკების ნიადაგზე ერთმანეთი ხელჯოხებით სცემეს.

გამოცემა წერს, რომ დამტვრეულია ავეჯი და რესტორნის ინვენტარი.

გავრცელებული ინფორმაციით, ადგილზე რამდენიმე გასროლაც მოხდა.

kutaisitoday.com- ის ცნობით, იმერეთის, რაჭა-ლეჩხუმისა და ქვემო სვანეთის რეგიონის პოლიციის დეპარტამენტის დირექტორი მერაბ ჩიხლაძე მათი ხელქვეითების საქციელისთვის და ამავე დროს ხელმძღვანელი პირების არადროული ინფორმირებისათვის გათავისუფლდა დაკავებული თანამდებობიდან.

„ნიუპოსტი“ ინფორმაციის გადამოწმებას შინაგან საქმეთა სამინისტროს საზოგადოებასთან ურთიერთობის სამსახურს დაუკავშირდა.

მღებრიშვილის უწყებაში ამბობენ, რომ მერაბ ჩიხლაძე როტაციის შედეგად კადრების განყოფილებაში გადაიყვანეს.

რაც შეეხება ზესტაფონისა და ტყიბულის სამმართველოს უფროსებს პრესსამსახურის თქმით, მათ მიმართ გენერალური ინსპექცია სამსახურებრივ შემოწმებას აწარმოებს.