,,ივანიშვილი გაიქცევა, შენ სად მიდიხარ წულუკიანო, არარაობავ?"

,,ივანიშვილი გაიქცევა, შენ სად მიდიხარ წულუკიანო, არარაობავ?" - გვარამია რუსთავი 2-ის საქმეზე

სამართალი - 19:08, 30 May, 2016

15450

ტელეკომპანია რუსთავი 2-ის სასამართლო პროცესი ხვალ 10:00 საათზე განახლდება. ამის შესახებ გადაწყვეტილება მოსამართლეთა კოლეგიამ რამდენიმე წუთის წინ გამოაცხადა. აღნიშნულ გადაწყვეტილებას ნიკა გვარამიას პროტესტი მოჰყვა:

„ყველას მოვუწოდებ, ხვალ სავარაუდოდ ეს სასამართლო ეცდება დაასრულოს რუსთავი 2, არ მივცეთ საქართველოს მტერს, ბიძინა ივანიშვილს და ამ მტრის მანქურთებს, მათ შორის ამ მოსამართლეებს, ამ სასამართლოს თავმჯდომარეს და მთელ სასამართლო ხელისუფლებას, ვინც ამაში იღებს მონაწილეობას, საქართველოში დემოკრატიისა და სიტყვის თავისუფლების დასრულების უფლება. ყველაფერი მიდის აქეთ, დღეს სააპელაციო სასამართლომ სწორედ ეს განცხადება გააკეთა. ეს არ არის სასამართლო, მოვუწოდებ ყველა საერთაშორისო დამკვირვებელს, მოვუწოდებ ყველა არასამთავრობო ორგანიზაციას, გამოცხადდით ხვალ დილის ათ საათზე საქალაქო სასამართლოში, გამოცხადდით და თქვენი თვალით ნახეთ, ქართული დემოკრატია როგორ პროგრესირებს, როგორ ემზადება ბიძინა ივანიშვილი არჩევნებისთვის, რუსთავი 2-ის გარეშე და ფაქტია, რომ სასამართლოს გარეშე, იმიტომ, რომ ამ ქვეყანაში სასამართლო ნამდვილად აღარ არსებობს, ამ ქვეყანაში სამართალს ვერავინ ვეღარ მოიპოვებს, ვერცერთი პოლიტიკური პარტია მათ შორის, თუნდაც გაიმარჯვოს არჩევნებზე ნებისმიერმა ოპოზიციურმა ძალამ, ეს სასამართლო წაართმევს მათ ამ გამარჯვებას. ამიტომ, გამოცხადდით აქ, იმისთვის, რომ არ დავუშვათ რუსთავი 2-ის ჩაქრობა, სამომავლოდ ტქვენი საარჩევნო უფლების წართმევა ბიძინა ივანიშვილის მანიაკალური, დაავადებული, ბოდვაში მყოფი გრაფომანის გამარჯვება ამ ქვეყანაში, ამ სამი არაადეკვატური, სამარცხვინო ქალბატონის მეშვეობით, რომლებიც სასამართლოს გარდა ყველაფერი არიან. მათ ვეკითხები პირდაპირ ეთერში, ბიძინა ივანიშვილი ამ ქვეყნიდან აუცილებლად გაიქცევა, იმიტომ რომ არჩევნებს წააგებს, თქვენ სად მიდიხართ? როგორ დაემალებით მართლმსაჯულებას? რომელიც ძალიან მკაცრი იქნება. შენ სად მიდიხარ თეა წულუკიანო? ნამდვილად სამარცხვინო ადამიანო, არარაობავ, როგორც სამართლებრივი თვალსაზრისით, ასევე პირადი თვალსაზრისით. სად დაემალები მართლმსაჯულებას? როგორ აპირებ პასუხი აგო? შენი დაწერილი გადაწყვეტილებები მოგრჩება უკან, პირდაპირი და გადატანითი მნიშვნელობით“, - განაცხადა ნიკა გვარამიამ.