ტელეკომპანია რუსთავი 2-ის სასამართლო პროცესი ხვალ 10:00 საათზე ჩაინიშნა. ამის შესახებ გადაწყვეტილება მოსამართლეთა კოლეგიამ დღევანდელი პროცესისი დასრულებისას გამოაცხადა. ამ გადაწყვეტილებას ტელეკომპანიის გენერალური დირექტორის პროტესტი მოჰყვა:

„დღეს საბოლოოდ გაყიდა თავი ამ კოლეგიამ. პირველ რიგში არ აიცილა ის საქმე, რომელზეც უტყუარი მტკიცებულებები წარვადგინეთ, მათი დაინტერესების შესახებ. ისიც კი არ გააკეთა, რომ დაეკითხა ის ადამიანები, ვინც ამ ინფორმაციას ფლობს, სასამართლოს საქმეებში იუსტიციის მინისტრის, კერძოდ, რომელიც აუცილებლად სისხლის სამართლებრივ პასუხისმგებლობაში მიეცემა ნებისმიერი შემდეგი ხელისუფლების შემთხვევაში, ყველა, ისიც და დავალების გამცემებიც და ვეჭვობ, რომ მოსამართლეებიც, ამ რიგს შეუერთდებიან, იმდენად, რამდენადაც პირდაპირ მიმდინარეობს ანგარიშსწორება ტელეკომპანია რუსთავი 2-თან, ეს არ არის მართლმსაჯულება, ეს არ არის სასამართლო პროცესი“, - განაცხადა ნიკა გვარამიამ.