სოფელ კორცხელში გუშინ მომხდარ ინციდენტთან დაკავშირებით სამართალდამცავ უწყებაში მონაწილეთა დაკითხვა მიმდინარეობს. ამ ეტაპზე ძირითადად ოპოზიციის წარმომადგემლები არიან დაკითხულნი.

დაკითხვიდან გამოსულმა თენგიზ გუნავამ ჟურნალისტებთან საუბრისას განაცხადა, რომ გუშინდელ ინციდენტს ადგილობრივი ხელისუფლება ხელმძღვანელობდა.

„ხელმძღვანელი არის გვასალია ლაშა, ის აძლევდა უშუალოდ მითითებებს. ის და გუბერნატორი შონია შეხვდნენ ამ ჩამოსულ პირებს წინა დღეს და მათგან მიიღეს უშუალო მითითებები. სწორედ იმის მიხედვით ხორციელდებოდა გუშინ პროცესები,“ - აცხადებს თენგიზ გუნავა.

„ქართული ოცნების“ წარმომადგენლებიდან, გამოძიებამ დღეს მხოლოდ გუბერნატორის ადმინისტრაციის ხელმძღვანელი დაკითხა.