„ერთიანი ნაციონალური მოძრობა“ გუშინ სოფელ კორცხელში მომხდარი ინციდენტის გამოძიებას ითხოვს. პარტიის წევრებმა თინათინ ბოკუჩავამ და ირაკლი აბესაძემ დღეს პროკურატურაში საჩივარი შეიტანეს.

ბოკუჩავამ და აბესაძემ პროკურატურას იმ პირების გვარებიც მიაწოდეს, რომლებიც გუშინ ფიზიკურად დაუპირისპირდნენ პოლიტიკოსებს. „ერთიანი ნაციონალური მოძრაობა“ პროკურატურისგან ფაქტის დროულ გამოძიებას ითხოვს.

სოფელ კორცხელში გუშინ მომხდარ ინციდენტზე შსს-მ ცემის მუხლით გამოძიება უკვე დაიწყო, თუმცა ნაციონალურ მოძრაობაში მიიჩნევენ, რომ მუხლის გადაკვალიფიცირება უნდა მოხდეს, რადგან ეს გუშინ მომხდარი ფაქტის მსუბუქი კვალიფიკაციაა.