"დადგენილი გვყავს დანაშაულის ჩამდენი პიროვნება"

"დადგენილი გვყავს დანაშაულის ჩამდენი პიროვნება" - შოთაძე ხურჩის მკვლელობაზე

სამართალი - 10:25, 21 May, 2016

3145

საქართველოს მთავარი პროკურორი ირაკლი შოთაძე ხურჩაში, საქართველოს მიერ კონტროლირებად ტერიტორიაზე 30 წლის გიგა ოთხოზორიას მკვლელობის ფაქტს გამოეხმაურა.
შოთაძის თქმით, მკვლელობას საქართველოს შინაგან საქმეთა სამინისტრო იძიებს. პროკურორმა მოკლულის ოჯახს სამძიმარი გამოუცხადა.
როგორც შოთაძემ ტელეკომპანია “იმედის“ ეთერში განაცხადა, ქართველი სამართალდამცველებისთვის უკვე ცნობილია მკლელობის ჩამდენი პირის ვინაობა და საქმეზე სამართლებრივი გადაწყვეტილება უახლოეს დღეებში იქნება მიღებული." მინდა საზოგადოებას ვაცნობო, რომ საქართველოს შინაგან საქმეთა სამინისტრო იძიებს ამ საქმეს, ჩვენ დადგენილი გვყავს კონკრეტულად ამ მკვლელობის ჩამდენი პიროვნება და უახლოეს დღეებში ამ საქმეზე მივიღებთ სამართლებრივ გადაწყვეტილებას და საზოგადოება გაიგებს ამის შესახებ“, – განაცხადა ირაკლი შოთაძემ.

შეგახსენებთ, 19 მაისს დაახლოებით 14:30 საათზე ზუგდიდის რაიონის სოფელ ხურჩაში, გამყოფი ხაზის მიმდებარედ შეიარაღებულმა პირმა, ცეცხლსასროლი იარაღით სასიკვდილოდ დაჭრა გალის რაიონის სოფელ ბარღების მკვიდრი გიგა ოთხოზორია. დაჭრილი სამედიცინო დახმარების ჯგუფმა ზუგდიდის ჰოსპიტალში გადაიყვანა, თუმცა მიყენებული მრავლობითი ჭრილობების გამო, მოგვიანებით გარდაიცვალა.