ბეროზაშვილების ოჯახზე ფიზიკურ ანგარიშსწორებას შსს უარყოფს

ბეროზაშვილების ოჯახზე ფიზიკურ ანგარიშსწორებას შსს უარყოფს - საქმეს გენინსპექცია სწავლობს

სამართალი - 22:31, 20 May, 2016

3465

ბეროზაშვილების ოჯახი პოლიციას ფიზიკურ ანგარიშსწორებაში ადანაშაულებს. ინციდენტი თბილისში გადასასვლელ ხიდთან მოხდა. ეთერ ოქრუაშვილი ჰყვება, რომ ხუდადოვის ქუჩაზე პოლიციასთან დაპირისპირება მაშინ მოხდა, როცა მისი ვაჟი ლაშა ბეროზაშვილი დას სიტყვიერ შეურაცხყოფას აყენებდა. ეთერ ოქრუაშვილის თქმით, სამართალდამცავებმა მისი ორივე შვილი ცემეს, მათ შორის 4 თვის ორსული ქალბატონი და შემდეგ კი დააკავეს და კუკიის პოლიციის განყოფილებაში გადაიყვანეს. ეთერ ოქრუაშვილი ამბობს, რომ პოლიციას მასაც სცემდა, რის გამოც ქალბატონი ინგოროყვას კლინიკაში გადაიყვანეს და მოგვიანებით სახლში გაწერეს.

ქალბატონი ამტკიცებს, რომ ფიზიკური დაზიანებები, რომელიც სხეულზე აღენიშნება, მას პოლიციის თანამშრომლებმა მიაყენეს.

ბეროზაშვილები აცხადებე, რომ პოლიცია მათ ძმის წარსულის გამო გაუსწორდა. ლაშა ბეროზაშვილი რამდენჯერმე ნასამართლევია.

ბეროზაშვილების მიმართვის საფუძველზე მომხდარს გენინსპექცია სწავლობს.

,,ნიუპოსტი“ მომხდართან დაკავშირებით შს სამინისტროს დაუკავშირდა, უწყებაში ბეროზაშვილების ოჯახის ბრალდებას უარყოფენ. მათი განმარტებით, ლაშა ბეროზაშვილი დაკავებულია სისხლის სამართლის კოდექსის 353-ე მუხლით დააკავეს(პოლიციის მუშაკის ან ხელისუფლების სხვა წარმომადგენლის მიმართ წინააღმდეგობა საზოგადოებრივი წესრიგის დაცვისათვის ხელის შეშლის, მისი საქმიანობის შეწყვეტის ან შეცვლის მიზნით, აგრეთვე აშკარა უკანონო ქმედებისათვის მისი იძულება, ჩადენილი ძალადობით ან ძალადობის მუქარით), ხოლო ხათუნა ბეროზაშვილი ადმიისტრაციულ სამართალდარღვევათ კოდექსის 173-ე მუხლით (სამართალდამცავი ორგანოს თანამშრომლის, სამხედრო მოსამსახურის, სახელმწიფო დაცვის სპეციალური სამსახურის თანამშრომლის ან აღსრულების პოლიციელის კანონიერი განკარგულებისადმი ან მოთხოვნისადმი დაუმორჩილებლობა, ან ამ პირის მიმართ სხვა კანონსაწინააღმდეგო ქმედების განხორციელება ).