ადვოკატი ლევან სამუშია ე.წ კაბელების საქმეზე მთავარ პროკურორს სიცრუის ტირაჟირებაში ადანაშაულებს.

როგორც თავდაცვის ყოფილი მაღალჩინოსნების ადვოკატმა მედიის წარმომადგენლებს განუცხადა, "შოთაძის 10 სიტყვიდან ათივე სიცრუეა".

მან მთავარ პროკურორს მიმართა, წარმოადგინოს თუნდაც ერთი ფაქტი, სადაც წერია რომ "დელტა კომმა" თავდაცვის სამინისტროს შესთავაზა უფასო მომსახურება.

"წარმოგვიდგინოს ერთი ფაქტი, ერთი მტკიცებულება, რომ თავდაცვის სამინისტროს, დელტა კომმა, შესთავაზა უფასო მომსახურება. მე კონტრარგუმენტი მინდა შოთაძეს წარუდგინო. ეს გახლავთ დელტა კომის შეთავაზებული მოთხოვნა 80 000 ლარი თვეში. სილქნეტი კი თავდაცვის სამინისტროს 1000 ლარად ემსახურება, ხოლო დელტა კომი შს სამინისტროსგან ანალოგიურ მომსახურებაში 270 000 ლარს ღებულობს. შეეშვით სიცრუის ტირაჟირებას და ისაუბრეთ ფაქტებით"- აცხადებს ადვოკატი"- აღნიშნა ადვოკატმა.