ხალვაშის ადვოკატი ვარაუდობს, რომ სააპელაციოში რ2-ის საქმის განხილვას რამდენიმე სხდომა დასჭირდება

სამართალი - 12:05, 13 May, 2016

2004

ქიბარ ხალვაშის ადვოკატებს გასაჩივრებული აქვთ სასარჩელო მოთხოვნების ის ნაწილი, რომელიც არ დაკმაყოფილდა საქალაქო სასამართლოში. პაატა სალიას განმარტებით ქალვაშის მხარის საჩივრების განხილვა მას შემდეგ მოხდება რაც სასამართლო სააპელაციო საჩივრებზე ტელეკომპანია საქართველოს და ყარამანიშვილების ადვოკატების ახსნა განმარტებებს და ამ საჩივრებზე ხალვაშის ადვოკატების შესაგებელ სიტყვას მოისმენს. პაატა სალია ვარაუდობს, რომ სააპელაციო სასამართლოში რ2-ის საქმის განხილვას რამდენიმე სხდომა დასჭირდება:

„მე იმედი მაქვს რომ დღეს დაიწყება საქმის არსებითი განხილვა, პირველ რიგში უნდა მოვისმინოთ სააპელაციო საჩივრებზე ტელეკომპანია საქართველოს და ყარამანიშვილების ადვოკატების ახსნა განმარტებები, შემდგომ კი ჩვენი შესაგებელი ამ საჩივრებზე. შემდგომ კი სასამართლო ჩვენს სააპელაციო საჩივარს მოისმენს პირველი ინსტანციის სასამართლოს მიერ დაუკმაყოფილებელ მოთხოვნებზე, შემდეგ არის მტკიცებულებათა გამოკვლევა და შემდგომ გადის სასამართლო გადაწყვეტილების გამოსატანად, მაგრამ მე არ მგონია ამ ეტაპების გავლა დღეს მოვასწროთ ალბათ რამდენიმე სხდომა კიდევ დაგვჭირდება“- განაცხადა პაატა სალიამ.