თბილისი ს პროკურატურაში ჟურნალისტი ეკა მიშველაძე ადვოკატთან ერთად იმყოფება. მიშველაძე უწყებაში უკანონო თვალთვალთან დაკავშირებით დაიბარეს.

მიშველაძის უფლებადამცველი აცხადებს, რომ საქმე შს სამინისტროდან პროკურატურაში საია-ს მოთხოვნის საფუძველზე დაბრუნდა.

„აბსურდული სახე მიიღო ამ პროცესმა, თავიდანვე გასაგები იყო, რომ ეს საქმე უნდა გამოეძიებინა პროკურატურას. ჩემი განცხადების საფუძველზე 5 წლის ბავშვიც გაიგებდა, რომ აქ შეიძლება გამოიკვეთოს პოლიციის რომელიმე ქვედანაყოფის სტრუქტურის ან მათი თანამშრომლის დანაშაული, ამ პამპულაობას რა აზრი ჰქონდა ვერ გავიგე, მინდა ვთქვა, რომ სულაც არ მაქვს იმედი რომ ეს საქმე გამოძიებული იქნება, იმიტომ რომ ეს არის საქმე, რომელიც სწორედ ამ ხელისუფლებას უკავშირდება,“- განაცხადა ეკა მიშველაძემ.