ქიბარ ხალვაშის ადვოკატი პაატა სალია ამბობს რომ რუსთავი 2-ის დაცვის მხარე სხვადასხვა მეთოდებით ცდილობს გააჭიანუროს სასამართლო პროცესი. მისი თქმით აბსურდი იყო ერთ-ერთი ბოლო შუამდგომლობა, რომელიც იმ მოსამართლის აცილებას შეეხებოდა, რომელმაც ნიკა გვარამია ერთ-ერთ საქმეზე გაამართლა:

„ძალიან არასერიოზულია ასეთი განცხადებების გაკეთება, რადგან იმ კონკრეტულ მომენტში მოსამართლემ მიიღო გადაწყვეტილება არა ნიკა გვარამიას პირადი სიმპათიით, არამედ საქმეში არსებული მტკიცებულებების გათვალსიწინებით, არავითარი კავშირი არ არსებობს ნიკა გვარამიას საქმესა და რუსთავი 2-ის საქმეს შორის. კანონში ეს არ წერია, ამიტომ ვთვლი, რომ სასამართოლომ ობიექტური გადაწყვეტილება მიიღო. საინტერესოა, გვარამიასთვის ახლა გახდა ცნობილი, რომ მისი საქმე ყაველაშვილმა განიხილა? მას მოსამართლის აცილების შუამდგომლობა ადრე უნდა დაეყენებინა მით უფრო, რომ ყაველაშვილის კოლეგიაში ყოფნის შესახებ 27 მარტის სხდომაზე იყო ცნობილი. ეს არის მისი მხრიდან პროცესების მიზანმიმართულად გაჭიანურების მცდელობა“, - განაცხადა პაატა სალიამ.