ნიკა გვარამიას მოსამართლემ დარბაზი დროებით დაატოვებინა. ეს გადაწყვეტილება კოლეგიის თავმჯდომარემ ქიბარ ხალვაში ადვოკატის პაატა სალიას და გვარამიას შორის მომხდარი კამათის შემდეგ მიიღო. კამათის საფუძველი რუსთავი 2-ის შუამდგომლობა გახდა.ტელეკომპანიის გენერალურმა დირექტორმა, ნიკა გვარამიამ ჟურნალისტებთან თემის კომენტირებსიას აღნიშნა, რომ ისინი სასამართლოსგან ობიექტურ გადაწყვეტილებას არ ელიან და ერთადერთ საშუალებად უზენაესი სასამართლო რჩება:

„სათქმელი უკვე ვთქვით, კოლეგია იმსჯელებს აცილების საკითხზე, ვფიქრობ რომ საქმე ისე ევითარდება რომ ობიექტურ გადაწყვეყილებას არ ველოდებით, გუჯაბიძე უნდა იყოს აცილებული საქმეს, ის არ არის დამოუკიდებელი, ერთადერთია ვინც გამოაქვეყნა ურთმელიძის დასაცავი ტექსტი, სადაც პიროვნული თავდასხმებია ჩემზე, არ მგონია არსებობდეს ვინმე, ვისაც ეჭვი ეპარებოდეს, რომ ასეთი მოსამართლე შეიძლება იყოს ამ საქმეში“, - განაცხადა გვარამიამ.

მისივე თქმით იგი ქიბარ ხალვაშის წარმომადგენლის მოსმენას არცერთ ფორმატში არ აპირებს:

„ქიბარ ხალვაშის წარმოამდგენლის მოსმენას არ ვაპირებ არცერთ ფორმატში. მესამე სხდომაა უკვე სამი კვირის განმავლობაში ჩანიშნული. ეს არსად არ ხდება, გამოჩნდა ნათლად, რომ ბიძინა ივანიშვილი ცდილობს მედიის გაწმენდას არასასურველი მედიისგან, რომელიც ხელს შეუშლის არჩევნებში. რჩება მხოლოდ ერთი ინსტანცია უზენაესი სასამართლო, ჩვენ ყველაფერს ვიზამთ, რომ ასეთი ტიპის კოლეგია არ იყოს ჩართული ამ საქმის განხილვაში“ , - განაცხადა ნიკა გვარამიამ.