გრიგოლეთის ბაზიდან „გურიას“ 4 ლეგიონერი გაიპარა! გურიის მოამბე

შემთხვევა - 11:59, 22 Apr, 2016

2748

ჩვენთვის ცნობილი გახდა რომ გადამწყვეტი მატჩების წინ, ლანჩხუთის „გურია“ ოთხმა ლეგიონერმა დატოვა. არსებული ინფორმაციით, კლუბის გრიგოლეთის საწვრთნელი ბაზა დატოვეს პანამელმა და კოსტა-რიკელმა ლეგიონერებმა: მცველებმა ალვინ ბენეტიმ და მორალეზ ნუნეზმა, ნახევარმცველმა ჯამალ როდრიგესმა და თავდამსხმელმა კარლოს სმოლმა. ამათგან, ბენეტის ბოლო დროს თამაში არ უწევდა, როდრიგესიც სათადარიგოდ მიიჩნეოდა, სამაგიეროდ, ძირითადის მოთამაშე გახლდათ ნუნეზი, ხოლო ყველზე დიდი დანაკლისია სმოლი, რომელიც სამი ტურის წინ შეუერთდა გუნდს ოფიციალურად და არასრულ სამ შეხვედრაში 3 გოლის გატანა მოახერხა! თანაც სამივე მნიშვნელოვანი: ბათუმის „დინამოსთან“ დუბლი შეასრულა (რისთვისაც ლანჩხუთის გამგებელმა ზაზა ურუშაძემ დამატებით პირადი ჯილდო _ 500 ლარი გადასცა) , ხოლო „ტორპედოსთან“ გადამწყვეტი გოლი გაიტანა. რატომ დატოვეს კლუბი ფეხბურთელებმა, ამის დაზუსტება კლუბ ,,გურიას აღმასრულებელი დირექტორთან ოთარ ჩხაიძესთან ვცადეთ.
ჩვენთან სატელეფონო საუბარში ამბობს, რომ ეს გუნდისთვის დიდი დანაკლისი არ არის.,, მიზეზი ნამდვილად არაფერი არ არის . ჩვენ ყველა პირობა ხელშეკრულებით რაც იყო გათვალისწინებული, გადახდილია ვალდებულება ნამდვილად არაფერი არ არის. ფედერაციაში პრეტენზია არაფერი არ არის შემოსული. ჩვენ ეხლა ვაგზავნით ფედერეციაში ვაგზავნით დოკუმენტებს და დაწესდება ალბათ სანქციები. ფეხბურთის თამაშს აუკრძალავენ. სიმართლე გითხრათ ეს დიდი დანაკლისი არც არის ჩვენი გუნდისთვის. .მისივე თქმით, სხვა ლეგიონერები ჩვეულებრივ ვარჯიშობენ.