ქობულეთის სასამართლომ 5 თვიანი პატიმრობის შემდეგ გირაოს სანაცვლოდ გაათავისუფლა იმ სასტუმროს მფლობელი, სადაც დაახლოებით ერთი წლის წინ გაჩენილ ხანძარს სამი ბავშვი ემსხვერპლა.

სასტუმრო „არმაზის“ მეპატრონე, ზაზა ართმელაძე, ადვოკატის შუამდგომლობის საფუძველზე დარბაზიდან გაათავისუფლეს. მას 50 ათას ლარიანი გირაო შეეფარდა.

ართმელაძის განცხადებით, გადაწყვეტილება მისთვის მოულოდნელი იყო. მას გამოძიება სახანძრო უსაფრთხოების წესების დარღვევას ედავებოდა, რამაც ადამიანის სიცოცხლის მოსპობა გამოიწვია. ჯერჯერობით უცნობია, თუ როდის გაიმართება შემდეგი პროცესი.