ქუთაისის ბაგა-ბაღის ყოფილმა ხელმძღვანელმა მერიას სასამართლო პროცესი მოუგო

სამართალი - 17:03, 18 Apr, 2016

2242

ქუთაისის ბაგა ბაღების გაერთიანების ერთ-ერთი ფილიალის გათავისუფლებულმა ხელმძღვანელმა ნანა კაკაურიამ, ააიპ დაწესებულებას სასამართლო პროცესი მოუგო.

ნანა კაკურია ქუთაისის მე-15 საბავშო ბაღის ფილიალს ხელმძღვნელობდა.

ქუთაისის საქალაქო სასამართლოს მოსამართლემ ბრძანება, რომლითაც ნანა კაკურია თანამდებობიდან გაათავისუფლეს, ბათილად ცნო.

"მოსამართლის გადაწყეტილებით, ააიპ გაერთიანებას ნანა კაკურიას დაუყოვნებლივ აღდგენა დაევალა. ასევე, გაერთიანებამ კაკურიას უნდა აუნაზღაუროს იმ დღის თანხა, როცა აქცია გაიმართა და მას ხელფასი დაუქვითეს", - ამბობს ნანა კაკურიას ადვოკატი, რობიზონ ხურცილავა.

ადვოკატის განმარტებით, ნანა კაკურიას სამსახურში აღდგენის პროცედურა ხვალიდან დაიწყება.

გაასაჩივრებენ თუ არა საქალაქო სასამრთლოს გადაწყვეტილებას ქუთაისის ააიპ დაწესებულებაში აცხადებენ, რომ გადაწყვეტილებას 2 კვირის შემდეგ, მას შემდეგ მიიღებენ, როდესაც სასამართლოს განაჩენი ოფიციალურად ჩაბარდებათ.

ააიპ ქუთაისის სკოლამდელი დაწესებულების გაერთიანების ხელმძღვანელმა მიმდინარე წლის 12 იანვარს ქუთაისის საბავშვო ბაღის 4 ფილიალის (#1, #13, #17,#15) ხელმძღვანელი პირი გაათავისუფლა. მათ შორის იყო ნანა კაკურია, რომელიც მე-15-ე საბავშო ბაღის ფილიალს ხელმძღვანელობდა.

ბრძანების თანახმად, ისინი ააიპ ქუთაისის სკოლამდელი აღზრდის დაწესებულების გაერთიანების წესდების და ასევე, ხელშეკრულებით გათვალისწინებული პუნქტების დარღვევის გამო გაათავისუფლეს.