წყალმომარაგების კომპანიის გათავისუფლებული თანამშრომლის საქმეზე მოსამართლემ გადაწყვეტილება მიიღო

სამართალი - 18:54, 12 Apr, 2016

2489

ქუთაისის საქალაქო სასამართლოს მოსამართლის ციცინო კიკვიძის გადაწყვეტილებით, საქართველოს გაერთიანებული წყალმომარაგების კომპანიას ქუთაისის სერვისცენტრის გათავისუფლებული თანამშრომლის სამსახურში აღდგენა დაევალა.

მოსამართლის გადაწყვეტილების მიხედვით, კომპანიას, ასევე დაეკისრა, ქეთი კიკვიძის სამასხურიდან გათავისუფლებიდან დღემდე, განაცდურის ანაზღაურება.

ქეთი კიკვიძემ ქუთაისის საქალაქო სასამართლოში სარჩელი კომპანიის წინააღმდეგ მას შემდეგ შეიტანა, რაც ის გასული წლის ოქტომბერში სამსახურიდან გაათავისუფლეს. კიკვიძის განმარტებით, ის რეორგანიზაციის სახელით, სამსახურიდან უკანონოდ გაუშვეს. თავად, კომპანიაში კი ირწმუნებოდნენ, რომ კადრების ოპტიმიზაცია მოხდა.

საქართველოს გაერთიანებული წყალმომარაგების კომპანიის საზოგადოებასთან ურთიერთობის სამსახურის უფროსი, ნინო რამიშვილი განმარტავს, რომ კომპანია მოსამართლის გადაწყვეტილებას, ოფიციალურად წერილობით, 20 დღის განმავლობაში მიიღებს, რის შემდეგაც კომპანია მიიღებს გადაწყვეტილებას გაასაჩივროს თუ არა მოსამართლის აღნიშნული გადაწყვეტილება.

"ვნახავთ დასაბუთებულად, თუ რის საფუძველზე მიიღო მოსამართლემ ეს გადაწყვეტილება", - განმარტავენ საქართველოს წყალმომარაგების კომპანიაში.