ყველაფრის მიწერა ლელუაშვილთან, იმიტომ რომ მაღალი თანამდებობის პირი იყო, არ შეიძლება- ადვოკატი

სამართალი - 21:19, 09 Apr, 2016

2880

ფარული ჩანაწერების საქმეზე დაკავებული ვაჟა ლელუაშვილის ადვოკატის მამუკა ჭაბაშვილის თქმით მისი დაცვის ქვეშ მყოფი იმ ჩანაწერებთან კავშირს უარყოფს, რასთან დაკავშირებითაც მას ბრალდება წაუყენეს. ადვოკატს პრეტენზია საქმის კვალიფიკაციასთანაც აქვს:

„მე ნაკლებად მაინტერესებს ის დისკები რაც იქ არის, იმიტომ რომ ჩემი დაცვის ქვეშ მყოფი სრულიად უარყოფს ამ ჩანაწერებთან რაიმე კავშირს, გარდა ამისა სხვა სამართლებრივი საფუძვლები გავაქვს იმისა, რომ ეს საქმე სამართლებრივად არასწორი კვალიფიკაციით მიდის, ამინისტირებულია და რაღაცის გადაფარვისთვის ამოწიეს 4 წლის შემდეგ. ყველაფრის მიწერა ლელუაშვილთან, იმიტომ რომ ის მაღალი თანამდებობის პირი იყო , ასე არ შეიძლება. სისხლის სამართლის საქმეში კონკრეტული მტკიცებულებები უნდა იყოს. ის თვლის , რომ იმ კონკრეტულ 3 ეპიზოდთან დაკავშირებით, რაზეც ბრალი აქვს მას წარდგენილი არანაირი შემხებლობა არ ქონია და არანაირი ბრძანება მას არ გაუცია.“- განაცხადა ადვოკატმა.

ფარული ჩანაწერების საქმეზე დაკავებული კუდის მაღალჩინოსნებისთვის აღმკვეთი ღონისძიების შეფარდებაზე სასამართლო დახურულ რეჟიმში მსჯელობს. პროკურატურა ექვსივე პირისთვის პატიმრობას ითხოვს.