ახალგაზრდა მამაკაცის ოზურგეთიდან გადაყვანა, მას შემდეგ მოხდა, რაც ადგილობრივმა პოლიციამ მისი ვინაობის დადგენა შეძლო.

როგორც "გურიის მოამბეს" შსს პრესსამსახურიდან აცნობეს, მამაკაცი, რომელსაც ფსიქიკური პრობლემები ჰქონდა, კონტაქტზე არ გამოდიოდა, ამიტომ დროულად ვერ მოხერხდა მისი იმ სახლიდან გაყვანა, სადაც მან გუშინ თავი შეაფარა.

ფსიქიატრიული საავადმყოფოდან გამოქცეული ავადმყოფი, თავს ოზურგეთში ერთ-ერთ საცხოვრებელ სახლს აფარებსდა როგორც ადგილზე შეკრებილი მოსახლეობა ამბობსდა მამაკაცი სავარაუდოდ ბათუმიდან იყო გამოქცეული.

როგორც სახლის მეპატრონე ყვება,, მამაკაცი მათ სახლში გუშინ ღამით შეიჭრა.

"ფეხშიშველია, დასვრილი და ტალახანი. ამბობს ჩემი სახლიაო, წევს საწოლზე და ვერავინ ეკარება. მე და ჩემი შვილი გუშინს მერე, ფაქტიურად ქუჩაში ვართ. იყო პოლიციაც, სასწრაფოც, მაგრამ ვერავინ ვერაფერს აკეთებს"-გვითხრა ქალბატონმა დღეს დილით.

ადგილზე მობილიზებული პოლიციის თანამშრომები აცხადებდნენ, რომ რადგან მამაკაცი კონტაქტური არ იყო, გაჭირდა გარკვევა, საიდან იყო ის გამოქცელი და არის თუ არა ის ნამდვილად ფსიქიატრიული საავადმყოფოს პაციენტი.