თათია სამხარაძეს შალვა რამიშვილის წინააღმდეგ სასამართლოში სარჩელი შეაქვს

სამართალი - 13:50, 08 Apr, 2016

15673

მსახიობი თათია სამხარაძე (ტასო ბარნოვა) ტელეწამყვან შალვა რამიშვილს სექსუალურ შევიწროებაში ადანაშაულებს. ამ თემასთან დაკავშირებით თათია სამხარაძემ და „ქალთა მოძრაობამ“ „ღია საზოგადოება საქართველოს“ ოფისში ერთობლივი პრესკონფერენცია გამართეს.

თათია სამხარაძის თქმით ის შალვა რამიშვილის მხრიდან სექსუალურად შევიწროებას განიცდიდა. ამასთანავე როგორც მსახიობი აცხადებს, მსგავსი პრობლემა ქონდათ რამიშვილის სხვა ყოფილ თანამშრომელ ქალებსაც. აღნიშნულ ფაქტთან დაკავშირებით თათია სამხარაძემ აუდიო ჩანაწერიც გააკეთა. მსახიობი აპირებს, რომ შალვა რამიშვილს სასამართლოში უჩივლოს:

" ვადასტურებ, რომ შალვა რამიშვილი ჩემს სექსუალურ შევიწროებას ახორციელებდა. ამის შესახებ მე საუბარი არხის დირექტორთან, გიორგი ბახტაძესთანაც მქონდა, ასევე მე გავაკეთე აუდიო ჩანაწერი, სადაც რამიშვილი აღიარებდა, რომ ჩემზე ახორციელებდა სექსუალურ შევიწროებას. ეს აუდიო ფაილი ამ დროისთვის სამხარაულის სახელობის ექსპერტიზის ბიუროში გადის ექსპერტიზას და დგინდება მისი ავთენტურობა. მე დამიკავშირდნენ რამიშვილის ყოფილი თანამშრომელი გოგოებიც და მათაც იგივე პრობლემა აქვთ. მათი თქმით, შალვა რამიშვილი მათზეც ახორციელებდა სექსუალურ შევიწროებას. მე შევიტან სარჩელს სასამართლოში და ყველაფერს გავაკეთებ, რომ ჩემი სიმარათლე დავამტკიცო. მე დავკარგე კარიერა, სამსახური და გეტყვით ერთს. არ მინდა ვიღაცის კარიერა ვიღაცის საწოლზე გადიოდეს.“ - განაცხადა თათია სამხარაძემ.