პაპიძის საქმეზე ნაფიც მსაჯულთა შერჩევის მიზნით პირველი სხდომა მიმდინარეობს

სამართალი - 12:41, 07 Apr, 2016

2711

ქმარ-შვილის მკვლელობაში ბრალდებული ქალის - მაგდა პაპიძის საქმეზე ნაფიც მსაჯულთა შერჩევის მიზნით სასამართლოში პირველი სხდომა მიმდინარეობს. პროცესს თავად ბრალდებული მაგდა პაპიძეც ესწრება.
სხდომის დაწყებამდე პროკურორმა ელენე ჩხეიძემ ჟურნალისტებთან განმარტა, რომ დღეს დამტკიცდება კითხვარი, რომელიც ნაფიც მსაჯულთა შესაძლო კანდიდატებს გაეგზავნებათ. მომდევნო სხდომაზე კი გამოცხადდებიან ის პირები, რომლებიც მიიღებენ კითხვარს, რის შემდეგაც აღნიშნული შემადგენლობიდან დაიწყება ნაფიც მსაჯულთა შერჩევის პროცედურა.

მას შემდეგ, კი რაც აირჩევა ნაფიც მსაჯულთა საკმარისი რაოდენობა, საქმის არსებითი განხილვა დაიწყება.
მაგდა პაპიძემ საქმის განხილვა ნაფიცი მსაჯულების მიერ 31 მარტს გამართულ სასამართლოზე მოითხოვა.
შეგახსენებთ, რომ დიღმის მასივის მიმდებარე ტერიტორიაზე 27 წლის მამაკაცი და მისი 5 წლის შვილი მოკლული დელემბერში იპოვეს. ცხედრები სადარბაზოს შესასვლელთან იპოვეს. მამაკაცის დაღუპვის მიზეზი თავში მძიმე საგნის ჩარტყმა გახდა, ხოლო ბავშვი - გაგუდულია. დაკავებულია მომხდარში ბრალდებული 25 წლის წლის მაგდა პაპიძე, რომელსაც ბრალად მეუღლის და შვილის მკვლელობა ედება.