ბათუმის საგანგებო და გადაუდებელი სამსახურის ინფორმაციით, აბაშიძის ქუჩაზე ხანძარი ლიკვიდირებულია. ამის შესახებ აღნიშნული სამსახურის წარმომადგენელმა ხუსეინ სირაბიძემ განაცხადა.

მისი ინფორმაციით, ხანძრის შედეგად განადგურდა დაახლოებით 1500 კვადრატულ მეტრზე განთავსებული საამქრო და საცხოვრებელი ფართი.

“შეტყობინება 08:42 საათზე შემოვიდა. ადგილზე 13 ერთეული სახანძრო ტექნიკა გავიდა. იწვოდა 1500 კვ.მ-ზე მდებარე საამქრო და საცხოვრებელი. 09:50 საათზე ხანძარი უკვე ლოკალიზებული იყო. ახლა კი სრულიად ლიკვიდირებულია“ -განაცხადა სირაბიძემ.