კონსტიტუციური უსაფრთხოების დეპარტამენტის ყოფილი მაღალაჩინოსნის, გიორგი დგებუაძის, იგივე „მასტერას“, სასამართლო პროცესი დასრულდა. პროცესი 17 მაისისთვის გადადიდო.

დგებუაძემ პროცესზე სასამართლოს მიმართ პატივისცემა გამოხატა და აღნიშნა, რომ იგი თანამშრომლობას აპირებს.

"უღრმესი პატივისცემა მინდა გამოვხატო სასამართლოს მიმართ. მზად ვარ ვითანამშრომლო სასამართლოსთან, რომ ამ რთულ და ტრაგიკულ საქმეს ერთხელ და სამუდამოდ მოეფინოს ნათელი. გაქცევა და თავის არიდება, თვითმკვლელობის ტოლფასი იქნება. უდანაშაულო ვარ ამ საქმეში. ჩემს მიერ წარმოდგენილი ფაქტები შეცვლის იმ რეალურ სურათს რაც არის. არ ვაპირებ არც მიმალვას და არც თავის არიდებას. წინასწარ პატიმრობაში დიდხანს ვიყავი,“ - განაცხადა გიორგი დგებუაძემ.

დგებუაძე პატიმრობაში რჩება. მოსამართლემ დაცვის მხარის მოთხოვნა, აღკვეთის ღონისძიების შეცვლის შესახებ არ დააკმაყოფილა.

გიორგი დგებუაძეს ბრალად ედება 2006 წლის იანვარში კონსტიტუციური უსაფრთხოების ყოფილ უფროსთან, დავით ახალაიასთან და ამავე დეპარტამენტის სხვა მაღალჩინოსნებთან ერთად , ნავთლუღის ავტოსადგურში სამი ახალგაზრდის წინასწარდაგეგმილ მკვლელობაში მონაწილეობა და სამსახურეობრივი უფლებამოსილების გადამეტება.