დაპირისპირება მოხდა თბილისის „დინამოსა“ და ბათუმის „დინამოს“ გულშემატკივრებს შორის. მატჩი ქობულეთის საფეხბურთო მოედანზე მიმდინარეობდა. გულშემატკივრები ერთმანეთს ჯერ სიტყვიერად, შემდეგ კი ფიზიკურად დაუპირისპირდნენ.

ჩხუბი თამაშის მსვლელობისას დაიწყო, მატჩის დასრულების შემდეგ კი დაპირისპირება საფეხბურთო მოედნის გარეთ გაგრძელდა. ინციდენტის შედეგად არავინ დაშავებულა.

სიტუაციის განმუხტვა სამართალდამცავებმა მოახერხეს.