ბათუმში მომხდარმა აფეთქებამ 15 საცხოვრებელი სახლი დააზიანა. შემთხვევის შედეგად დაშავდა 78 წლის მამაკაცი, იგი სამედიცინო დაწესებულებაშია მოთავსებული, მისი ჯანმრთელობის მდგომარეობა სტაბილურად მძიმეა. დაშავებული მეორე ხარისხის დამწვრობით ქუთაისის საავადმყოფოში გადაიყვანეს.

გავრცელებული ინფორმაციის თანახმად, აფეთქება დაშავებული მამაკაცის ბინაში, კორპუსის პირველ სართულზე მოხდა.

ადგილობრივები ამბობენ, რომ ბუნებრივი აირის სამდღიანი გათიშვის შემდეგ მარტოხელა მამაკაცს გაზის ონკანი არ ჰქონდა გადაკეტილი, რის გამოც, გაზის მოსვლის შემდეგ, ოთახში შუქის ანთებამ აფეთქება გამოიწვია.

ადგილზე ექსპერტ-კრიმინალისტები, სახანძრო სამსახურის ეკიპაჟები და სოკარის საავარიო ჯგუფები მუშაობდნენ.